कामपाय् अख्तियारया छापा, थीथी पत्र नापं जफत

येँ/ अख्तियार दुरूपयोग अनुसन्धान आयोगं येँ महानगरपालिकाया ज्याकुथिइ छापा मारय् याःगु दु । अख्तियारया विशेष पुचलं थौं लुँहितिसं च्वंगु महानगरपालिकाय् छापा मारय् यानाः अन दुगु थीथी भ्वँत (कागजपत्र) नियन्त्रणय् काःगु खः ।

अख्तियारं अनियमितताया शंकाय् महानगरअन्तर्गतया शहरी विकास, राजश्व, वातावरणलगायत फुक्क शाखाया भ्वँत नियन्त्रणय् काःगु खः । महानगरया लिपांगु निदँया आर्थिक दँया फुक्क भ्वँत कब्जाय् काःगु अख्तियारं न्ह्यःथंगु दु ।