कांग्रेस, एमाले व राप्रपा नेपालया भागय् लाःपिं झिंच्याम्ह सभासद्
सु–सु लात मनोनयनय् (धलःसहित)
येँ/ संविधानसभाय् मनोनित जुइपिं नीखुम्हमध्ये झिंच्याम्ह सभासद् मनोनित जूगु दु । मन्त्रिपरिषद्या थौं च्वंगु बैठकं कांग्रेस, एमाले व राप्रपा नेपालया भागय् लाःपिं झिंच्याम्ह मनोनित याःगु खः । एमाओवादीं धाःसा नां लःमल्हानीगुलिं उमिगुपाखें मनोनित जुइपिनिगु नां धाःसा क्वःछ्यूगु मदुनि ।
एमाओवादीलिसे मेमेगु दलया भागय् लाःपिं च्याम्ह लिपा मनोनित जुइगु न्ह्यःथंगु दु ।
आःतक्क मनोनित जूपिं सभासद्पिं
कांग्रेसयापाखें राधेश्याम अधिकारी, शिव खड्का, पुष्कर आचार्य, रेशम बानिया, सुकदेव सुतिहार, रुक्मिणी कोइराला, सूर्यदेवदास उराव, उमेश श्रेष्ठ र अनिलकुमार रुङटा लगायतपिं दु ।
अथेहे एमालेयापाखें
उदय नेपाली, अग्नी खरेल, गंगा डाँगी, मिरा धुजु, पेम्बा भोटे, नरेश खरेल, डा. राजन भट्टराई व पर्तमान धिमाल लगायतपिं दुगु खः ।
अथेहे, राप्रपा नेपालयापाखें
अखिल नेपाल फुटबल संघ एन्फाया नायः गणेश थापा मनोनित जूगु दु ।
