युक्रेनय् संकट : द्वलंद्वः रसियनत पूर्वी क्षेत्रया ल्वापुइ

एजेन्सी/ रुस समर्थित पृथकतावादी नेतातय्सं पूर्वी युक्रेनमा स्वद्वःनिसें प्यद्वः रसियन नागरिकत क्रमबद्ध रूपं ल्वापुइ दुगु न्ह्यःथंगु दु ।

उगु ल्वापुइ आपालं पूर्व जागिरदारपिं लिसे छुं ई न्ह्यःजक जागिर त्वःतूपिं कर्मचारीपिं दुगु अलेक्जेन्डर जार्खचेनकों छगू रुसी टेलिभिजनयात न्ह्यःथंगु दु । वय्कलं विद्रोहीतय्सं युक्रेनया मू शहरलिक्क दुगु केन्द्रीय बन्दरगाह नियन्त्रणय् कायेगु नापं न्ह्यःथंगु दु ।

रिपोर्टय् बियातःगु जानकारीकथं उमिसं नोभोजोभ्स्क शहर व अनया बन्दरगाह नियन्त्रणय् काःगु बीबीसीं न्ह्यःथंगु दु । रुसी जनसमूहं सीमाना पार यानाः आक्रमण यानाच्वंपिं विद्रोहीतय्त ग्वाहालि याःगु द्वपं नापं ब्यूगु दु तर, मस्कों ल्वाभःधारी विद्रोहीतय्त जनतां ग्वाहालि याःगु धइगु खँया खण्डन याःगु दु । रुसं युक्रेनी फोर्सयात डोनेट्स व लुहानस्क शहरपाखें अझ उत्तरपाखे ख्यानाः छ्वयेत स्वःगु शंका याःगु दु ।

थुखे जर्मन चान्सलर एञ्जेला मार्केलं रुसी राष्ट्रपति भ्लादिमिर पुटिनं लिपांगु अवस्थाया रिर्पोटबारे प्रष्ट यायेत इनाप याःगु दु । अथेहे फ्रान्सेली राष्ट्रपति फ्रान्सिको होल्याण्डं रुसी सेना युक्रेनय् दत्तले बांमलाइगु न्ह्यःथंगु दु ।

More Stories Like this