अख्तियारपाखें सरकारी कर्मचारीयात घुस कयाः च्वंकच्वंक हे ज्वन

येँ/ अख्तियार दुरूपयोग अनुसन्धान आयोगं मेम्ह छम्ह सरकारी कर्मचारीयात घुस कयाः च्वंकच्वंक हे ज्वंगु दु । आयोगया पुचलं जिल्ला प्रशासन ज्याकू येँय् छापा मारय् याःबलय् नायब सुब्बा छबिराम काफ्ले स्वीद्वः (३० हजार) तका धेबा घुसलिसे ज्वंगु खः ।

पुचलं शंकास्पद ज्या यानाच्वंगु जानकारी दयेवं प्रशासन ज्याकुथिइ छापा मारये याःगु अख्तियारया प्रवक्ता श्रीधर सापकोटां जानकारी ब्यूगु दु ।

अख्तियारया पुचलं छुं ई थुखे तसकं सक्रियतालिसे घुस कयाः च्वंकच्वंक थीथी निकायया कर्मचारीतय्त ज्वनेधुंकूगु दु ।