नेविसंघया महाधिवेशन सुना नं पने फइमखु : जोशी
धादिङ/ नेपाली कांग्रेसया केन्द्रीय दुजः नवीन्द्रराज जोशीं नेपाल विद्यार्थी संघया केन्द्रीय महाधिवेशन आः सुना नं पने मफइगु धयादीगु दु । नेविसंघ जिल्ला अधिवेशनया थौं धादिङबेसीइ उलेज्या यानादिसें वय्कलं महाधिवेशन थ्वहे भदौ २९ गते हे क्वचाइगु दाबी नापं यानादीगु दु ।
नेविसंघया महाधिवेशन इलय् मजुयाः आपालं विद्यार्थी नेतां नेतृत्व तहपाखें लिचिलेमाःगु धयादिसें वय्कलं आः न्हूगु नेतृत्व प्राप्त याना नेविसंघ क्रियाशील जुइगु खँय् विश्वस्त जुइत फुक्कसित इनाप नापं यानादिल ।
नेपाल विद्यार्थी संघ धादिङया च्यादँलिपा जूगु जिल्ला अधिवेशन उलेज्या ज्याझ्वलय् नेपाली कांग्रेस धादिङया सभापति रामनाथ अधिकारी, सभासद् दिलमान पाख्रिनलगायतया वक्तातय्सं लोकतान्त्रिक बिचाःयात न्ह्यःने न्ह्याकेत विद्यार्थीतय्त संगठित जुयाः न्ह्यःने न्ह्यायेत इनाप यानादिल ।
