नेपाःदथुइ उत्तर प्रदेशया मुख्यमन्त्रीं बिल थज्याःगु द्वपं
येँ/ भारत उत्तर प्रदेशया मुख्यमन्त्री अखिलेश यादवं नेपालं चलःबारे पूर्व सुचं मब्यूगु हुनिं भारतीय भूमी डुबानय् लाःगु द्वपं ब्यूगु दु ।
वय्कलं नेपाःलिसे चलःबारे पूर्व सुचं फ्वने मफूगु न्ह्यःथना केन्द्र सरकारया नापं कुंख्युँगु दु । वय्कलं नेपाःया खुसिइ वःगु चलःया हुनिं उत्तर प्रदेशलिसे भारतया थीथी राज्य नापं डुबानय् लाःगु न्ह्यःथना याकनं स्वयाः याकनं समस्या समाधानया कुतः न्ह्याकेत केन्द्र सरकारया ध्यानाकर्षण याकूगु दु ।
चलःया हुनिं डुबानय् लाःगु उत्तर प्रदेशया थीथी क्षेत्रया स्थलगत भ्रमणलिपा सञ्चारकःमिपिंलिसे खँल्हानादिसें वय्कलं नेपाःया खुसि नियन्त्रणया नितिं सीमा क्षेत्रय् बाँध निर्माण यायेमाःगु धयादिल ।
नेपाःलिसे समन्वय यानाः तत्काल बाँध निर्माणया ज्या न्ह्याकेत वय्कलं केन्द्र सरकारलिसे माग याःगु दु । वाःलिसे छुं ई न्ह्यः वःगु चलःया हुनिं उत्तर प्रदेशय् गुइम्ह (९० जना) मनूत सीगु खःसा करोडौंया भौतिक क्षति नापं जूगु खः ।
