संसदीय समितिया सभापति निर्वाचन बुधबाः जुइगु

येँ/ संसदीय समितिया सभापतितय्गु निर्वाचन थ्वहे भाद्र ११ गते बुधबाः जुइगु जूगु दु । व्यवस्थापिका संसद्या मूछ्याञ्जे मनोहरप्रसाद भट्टराईं जारी याःगु निर्वाचन सम्बन्धी ज्याझ्वलय् ११ गते बहनि न्याताः इलंनिसें निर्वाचन न्ह्याइगु न्ह्यःथनातःगु दु ।

निर्वाचन ज्याझ्वःअन्तर्गत कन्हय् मंगलबाः सुथय् झिताः इलंनिसें सनिलया न्याताः ईतक्क उम्मेदवारया प्रस्ताव दर्ता यायेगु व न्याताः त्या इलय् प्रस्तावकया दर्ता क्रमकथं सुचं प्रकाशित यायेगु ज्याझ्वः सार्वजनिक जूगु खः ।

संसद्य् कोरम मगायेवं थ्व स्वयाः न्ह्यः भदौ ४ गतेया नितिं निर्धारित निर्वाचत तिथि घोषणा दीकूगु खः । लिपा हाकनं ६ गते थौंया नितिं घोषणा ज्याझ्वः क्वःछ्यूगु खः ।