संवाद समितिया बैठकय् न्याय प्रणालीया विषयसं सहलह

येँ/ संविधानसभा अन्तर्गतया संवैधानिक राजनीतिक संवाद लिसे सहमति समितिको बैठक थ्व इलय् च्वनाच्वंगु दु । सिंहदरबारय् च्वनाच्वंगु बैठकय् थौं नं न्याय प्रणालीया विषयसं सहलह जुयाच्वंगु संसद् सचिवालयया प्रवक्ता मुकुन्द शर्मां जानकारी ब्यूगु दु ।

नेपाःया भावी न्याय प्रणाली गज्याःगु दयेकेगु धइगु विषयसं समितिया दुजःतय्सं सहलह यानाः लिच्वः पिकायेगु कुतःकथं बैठक च्वंगु खः । थ्वहेदथुइ, तत्कालीन संवैधानिक समितिया प्रतिवेदन थौंया बैठकय् उपसमितिया कजि लक्ष्मणलाल कर्णं न्ह्यःब्वइगु जूगु दु ।

तत्कालीन संवैधानिक समितिया असहमतिया बुँदायात थौंया बैठकय् न्ह्यःब्वयेत्यंगु प्रवक्ता शर्मां जानकारी ब्यूगु खः । समितिया सहमतिया बुँदाय् धाःसा थ्व स्वयाः न्ह्यः हे सहलह जुइधुंकूगु दु ।