नेपाली राष्ट्रिय ध्वाँय्पाखें कीर्तिमान तःबलय् आङ्काजीया असन्तुष्टि

येँ/ स्वीन्याद्वः (३५ हजार) स्वयाः आपालं नेपाःमिपिं छधी जुयाः नेपाःमिपिंसं तिँख्यलय् मुनाः हलिमया हे दकले तःधंगु मानव ध्वाँय् दयेकाः विश्व कीर्तिमान कायम याःगुलिं सकल नेपाःमि लय्ताया च्वंगु इलय् संघीय समाजवादीया नेता आङकाजी शेर्पां असन्तुष्टि प्वंकूगु दु ।

विवादित अभिव्यक्तिया हुनिं छक्वःपतिकं आलोचनाय् लानाच्वनिम्ह शेर्पां पुलांम्ह जुजु ज्ञानेन्द्रं लगानीइ मानव ध्वाँय् दयेकूगु सामाजिक सञ्जाल फेसबुकपाखें टिप्पणी याःगु दु । मानव ध्वाँय्या कीर्तिमान तयेगु कुतःया भत्र्सना यानाः शेर्पां थुकियात अतिहिन्दुवादी क्रियाकलाप धाःगु दु ।

नापनापं वय्कलं चन्द्र सूर्य अंकित ध्वाँय् नेपाःया मजुसे हिन्दुवादीया जक जूगु टिप्पणी नापं याःगु दु ।