प्यंगू बुँदे सहमति कार्यान्वयन मजूगु खँय् एमाओवादीया च्यूताः
येँ/ एकीकृत नेकपा माओवादीं दलतदथुइ जूगु प्यंगू बुँदे सहमति कार्यान्वयन मजूगु न्ह्यःथना च्यूताः प्वंकूगु दु । प्रधानमन्त्री निवास बालुवाटारय् थौं जूगु मू स्वंगू दलया बैठकय् एकीकृत माओवादीं संविधान च्वयेगु, थीथी आयोग नीस्वनेगु लगायतया विषयसं जूगु सहमति कार्यान्वयन मजूगु न्ह्यःथना च्यूताः प्वंकूगु खः ।
दलतदथुइ झिंनिगू बुँदे समझदारी, विस्तृत शान्ति सम्झौता व नेपाःया अन्तरिम संविधानया मूल मर्म व भावनाकथं संविधानसभापाखें संघीय लोकतान्त्रिक गणतन्त्रात्मक संविधानया मस्यौदा खुलायादुने तयार याना दच्छियादुने घोषणा यायेगु, बेपत्ता सम्बन्धी छानबिन व सत्य निरुपण लिसे मेलमिलाप आयोग याकनं स्वयाः याकनं नीस्वनेत कुतः यायेगु सहमति जूगु खः ।
बैठकलिपा एकीकृत माओवादीया न्वकु नारायणकाजी श्रेष्ठं लच्छियाुदेन हे बेपत्ता सम्बन्धी छानबिन व सत्य निरुपण लिसे मेलमिलाप आयोग गठनया सिफारिस यायेगु सहमति जूसां नं कार्यान्वयन मजूगु न्ह्यःथंगु दु ।
अथेहे राज्यया पुनर्संरचना, शासकीय स्वरूप, न्यायप्रणाली, लगायतया विवादित विषयसं सहलह जूगु श्रेष्ठं जानकारी ब्यूगु दु ।
