चरीया सीम्हय् एमालें ध्वाँय् फायेकल, चक्रे मिलनं नापं हायेकल बिचाः

येँ/ नेकपा एमालेया धादिङ क्षेत्र नं. १ या पुलांम्ह न्वकु नापं जुयाच्वंम्ह गुण्डा नाइके दिनेश अधिकारी ‘चरी’या सीम्हय् एमालें पार्टीया ध्वाँ फायेकुगु खः ।

प्रहरीलिसेया इन्काउन्टरय् सीम्ह चरीया सीम्हय् पार्टीया ध्वाँय् फायेकेगु वा मफायेकेगु धइगु खँय् एमाले नेतातय्गु दथुइ एक मत मदुगु खः । तर, पार्टीया नवनिर्वाचित केन्द्रीय दुजः खेम लोहनीं पशुपति आर्यघाटय् लिपांगु संस्कार न्ह्यः पार्टीया ध्वाँय् फायेकुगु खः । लोहनीं ध्वाँय् फायेकुगु इलय् धादिङपाखें निर्वाचित एमालेया सभासद्पिनिगु नं ब्वति दुगु खः ।

थ्वहे दथुइ, चरीयात मेम्ह गुण्डा नाइके चक्रे मिलनं नापं लिपांगु बिचाः हायेकूगु खः ।