हलिमया ल्होम्ह मनू रिकी मन्त

एजेन्सी/ हलिमया हे दकले ल्होंम्ह मनूया धलखय् लाःम्ह रिकी नापुती मन्त । एजेन्सीयाकथं प्यसः किलो तौल दुम्ह स्वीगुदँया रिकी वंगु न्ह्यदँ न्ह्यःनिसें लासाय् लानाच्वंगु खः ।

माःगु स्वयाः आपालं नसा नयेगु बानीया हुनिं रिकी मदुगु न्ह्यथंगु दु । वयात जहान चेरिलं नकतिनिम्ह मचायात बिचाः यायेथें यानाः बिचाः यानाः वयाच्वंगु खः । रिकी हलिमया दकले ल्होंपिं झिम्हम्ह मनूमध्ये खुम्हम्ह मनू तयातःगु थाय् गुआमय् च्वना वयाच्वंगु खः ।

रिकीयात चिकित्सकं नसा नयेगुलिइ म्हो यायेत व थःगु तौल म्हो यायेत इलय् ब्यलय् सुझाब बियाः वयाच्वंगु खः । तर, वयागु म्हधिकलय् खासै कमी वःगु मदु, उकिं रिकी तनावय् लानाः वयाच्वंगु खःसा गैस्ट्रीकया सर्जरीया नितिं अमेरिकाया टेक्सासमा छम्ह मिसा एन्जी फ्लोर्सथाय् नं वंगु खः । अनंलिपा वयागु बजन ८० किलोग्रामतक्क म्हो जूगु नं खः ।

सर्जरीया हुनिं वयागु प्वा ८० प्रतिशत म्हो जूगु खः । अझ दुःखया खँ थःगु म्हधिकःयात म्हो मयाःगु हे हुनिं लिपावना रिकी व चेरिलया स्वापू नापं त्वाःदगु नापं न्ह्यःथंगु दु । अनंलिपा याकःचा जूम्ह रिकी वासःया माध्यमं जक म्वानाः वयाच्वंगु खः ।

More Stories Like this