सभासद् मनोनयन, राजदूत नियुक्तिबारे कांग्रेस व एमालेदथुइ सहलह
संविधानया अन्तर्वस्तुइ नं सहमति मालीगु
येँ/ संविधानया अन्तर्वस्तुइ समान धारणा दयेकेत सत्तासिन दल कांग्रेस व एमालेदथुइ थौं नं सहलह जुयाच्वंगु दु ।
भावी संविधानया संघीय संरचना व शासकीय स्वरूप गज्याःगु दयेकेगु धइगु विषयसं निगू दलं थौंया बैठकय् सहमति मालीगु जूगु दु । प्रधानमन्त्री निवास बालुवाटारय् थौं सुथसिया गुताः इलय् च्वंगु बैठकय् नीखुम्ह सभासद् मनोनयन व राजदूत नियुक्तियात याकनं क्वचायेकेगु विषयसं सहलह जुयाच्वंगु जानकारी ब्यूगु दु ।
थ्वहे दथुइ, शुक्रवाः सनिलय् नं निगू दलया बैठक च्वना क्वःछ्यूगु इलय् संविधान जारी यायेत याःगु संविधानया विवादित विषयसं समान धारणा दयेकाः न्ह्यःने न्ह्यायेगु सहमति याःगु खः । बैठकं नीखुम्ह मध्ये नीनिम्ह सभासद्या विषयसं थौं हे सहमति यानाः कन्हय् आइतवाःतक्कयादुने नियुक्त यायेगु निर्णय याःगु खः ।
