डन दिनेश अधिकारी चरी प्रहरीनापया मुठभेडय् मन्त

कुख्यात डन दिनेश अधिकारी चरी प्रहरीनापया मुठभेडय् मन्त । बुधबाः न्हिनय् प्रहरीनाप येँ व धादिङया सीमामा लाःगु भीमढुंगाय् भिडन्त जूगु खँ प्रहरीं धाःगु दु ।

घटनास्थल थ्यंम्ह महानगरीय प्रहरी अपराध महाशाखा प्रमुख (एसएसपी) पुष्कर कार्कीं चरी सीगु पुष्टि याःगु दु । संकास्पद मनुखं हतियार ज्वनाः मोटरसाइकलय् वनाच्वंगु धैगु सुचंया आधारय् प्रहरीं पिछा याःगु खः । उम्ह मनुखं प्रहरीयात गोली कयेकेवं जवाफी फायर याःबलय् मनू मदुगु खः । मनू मदयेधुंकाः जक मदुम्ह डन दिनेश अधिकारी धकाः म्हस्यूगु खः ।

चरीं कयेकूगु गोली लानाः छम्ह प्रहरी घाइते जूगु दुसा घटनास्थलं प्रहरीं वं छ्यःगु पेस्तोल व गोली बरामद याःगु दु ।