हाकुगु ध्वाँय् लिकाःगु विरुद्धय् प्रहरी कार्यालय धर्ना
नेवाः स्वायत्त राज्य मंकाः संघर्ष समिति व नेवाः ग्वाहालि पुचःया ग्वसालय् म्हिगः थनया सो¥हखुट्टे चुकय् पहिचानविरोधी होसियार धकाः ब्यानरसहित ब्वयेकूगु हाकुगु ध्वाँय् सो¥हखुट्टे प्रहरीं लिकाःगु विरुद्धय् थौं सुथय् नेवाः स्वायत्त राज्य मंकाः संघर्ष समितिं प्रहरी ज्याकूपिने धर्ना बियाः विरोध प्रदर्शन यात । नेवाः स्वायत्त राज्य मंकाः संघर्ष समितिया नायः नरेशवीर शाक्यया नेतृत्वय् जूगु धर्ना ज्याझ्वलय् सचिवालय कजि मल्ल के. सुन्दर, दुजःपिं सुजीव बज्राचार्य, सत्यनारायण डंगोलयालिसें म्हय्पि, बहःतिया नेवाः कार्यकर्तात मुंगु खः ।
थथे धर्ना च्वनाच्वंगु इलय् सो¥हखुट्टे प्रहरी कार्यालयया डिएसपी वीरेन्द्रबहादुर शाही नं थःगु ज्याकुथिइ सःताः हाकुगु ध्वाँय् पहिचानपक्षधरतय्सं ब्वयेकूगु धकाः मस्यूगुलिं थुकथंया ज्या जूगु खँ कनादिसें प्रहरीं लिकया हःगु हाकुगु ध्वाँय् व नेवाः स्वायत्त राज्यया ध्वाँय् लितब्यूगु खः । थथे लितब्यूगु ध्वाँय् प्रहरी कार्यालयनिसें नाराबाजी यानाः सो¥हखुट्टे हाकनं थौं सुथय् ब्वयेकेगु ज्या जूगु दु ।
म्हिगः सासा ब्याङ्क्वेटय् नेवाः प्रदेश जागरण अभियानकथं जूगु त्वाः भेलाय् सलंसः त्वाःयापिं मनूत मुंगु खःसा उगु भेलाय् नेवाः स्वायत्त राज्य मंकाः संघर्ष समितिया सचिवालयकजि मल्ल के. सुन्दर, सल्लाहकार डा. महेशमान श्रेष्ठपिसं नुगःखँ तयादीगु खः ।
ज्याझ्वः नेवाः ग्वाहालि पुचःया नायः बाबुराजा प्रजापतिया सभापतित्वय् जूगु खः । संघर्ष समितिं ब्यूगु जानकारीकथं त्वाः भेला यलय् नं न्ह्यायेत्यंगु दु ।
अथेहे येँय् थ्वहे साउन २४ गते २३ वडाय् याइगु जूगु दुसा याकनं हे १३, १८, १७ वडाय् नं त्वाः भेला यायेगु तयारी न्ह्यानाच्वंगु खँ सी दुगु दु ।
