अल्जेरियाया विमान सम्पर्कविहिन, सहाराय् दुर्घटना जूगु अाशंका
अल्जेरियाया राष्ट्रिय ध्वजाबाहक एअर अल्जेरियाया ‘एएच ५०१७’ विमान सम्पकृविहिन जूगु दु । विमानय् १ सय १० यात्रुतलिसें चालक दलया ६ म्ह सदस्य दुगु खः ।
बुर्किना फासोया क्वागाडोउगोउपाखें राजधानी अल्जियर्सया लागि ब्वःगु उगु विमान उडान जूगु ५० मिनेटय् हे सम्पर्कविहीन जूगु अल्जेरियाया सरकारी समाचार एजेन्सीं धाःगु दु । थुगु विमान सहाराय् दुर्घटना जूगु अनुमान याःगु दु ।
विमान तनेसाथ एअर अल्जेरियां स्पेनिस एअरलाइन्स स्विफ्टयात भाडाय् कयाः विमान मालेगु ज्या न्ह्याकूगु खः । अथेसां स्विफ्ट एअरं नं तंगु विमानलिसे सम्पर्क जुइमफुगु धाःगु दु ।
