माइक्रोसफ्टं १८ हजार कर्मचारी लिकाइगु

नांजाःगु सफ्टवेयर कम्पनी माइक्रोसफ्टं विश्वभरी यानाः १८ हजार कर्मचारी लिकाइगु जूगु दु । थ्व ल्याः धैगु माइक्रोसफ्टया कूल कर्मचारीया १५ प्रतिशत खः । माइक्रोसफ्ट या हे इतिहासय् थुलिमच्छि कर्मचारी लिकायेत्यंगु थ्व न्हापांगु खुसिइ खः ।

माइक्रोसफ्टं थःगु प्राथमिकता डेस्कटप कम्प्युटिङ पाखें क्लाउड व मोबाइल कम्प्युटिङय् यंकेत व थःगु ज्या अझ सुचारु रुपं न्ह्याकेत कर्मचारीत लिकयाः ज्या न्ह्याकेत्यंगु धाःगु दु ।

माइक्रोसफ्टं लिकायेत्यंपिं १८ हजार कर्मचारीत मध्यय् करिव १२ हजार कर्मचारीत फोन कम्पनी नोकियापाखेया कर्मचारीत जुइगु धाःगु दु । वंगु अप्रिल महिनाय् माइक्रोसफ्टं नोकिया न्यानाकाःगु खः ।

More Stories Like this