नेकपा एमाले अध्यक्षय् केपी शर्मा ओली त्यात
Posted on Wed Jul 16, 2014 12:54 am NST
नेकपा एमालेया अध्यक्षय् केपी शर्मा ओली त्याःगु दु । प्रतिस्पर्धी माधवकुमार नेपालयात ४३ मतं लिफ्यानाः ओली एमालेया अध्यक्ष जूगु खः । ओलीं १०४७ मत काःगु खःसा नेपालं १००३ मत काःगु खः ।
च्याकःगु महाधिवेशनय् झलनाथ खनाललिसे एक सय १७ मतं बूम्ह ओली थुगु पालय् निकःगु कुतलय् त्याःगु खः । ओली थःगु पीदँय् राजनैतिक जीोनय् न्हापांगु खुसिइ नेकपा एमालेया सर्वोच्च पदय् थ्यंगु दु ।
अथेहे उपाध्यक्षय् ओली प्यानलया वामदेव गौतम व विद्या भण्डारी त्याःगु दुसा नेपाल पक्षया भीम रावललिसे अष्टलक्ष्मी शाक्य व युवराज ज्ञवाली त्याःगु दु । सचिवय् नेपाल पक्षया गोकर्ण विष्ट, योगेश भट्टराई व भीम आचार्य त्याःगु दु धाःसा ओली पक्षया प्रदीप ज्ञवाली व पृथ्वीसुब्बा गुरुङ त्याःगु दु ।
Related Stories
एमाले निर्वाचनया मतगणना न्हिनय् न्ह्याइगु
