ब्राजिल व मेक्सिकोदथुइया कासा स्वयाच्वंगु थासय् बम आक्रमण
आक्रमणमा दर्जनौं मनूत सित
नाइजेरियाय् फुटबल स्वयाच्वंपिं युवातय्गु पुचःदथुइ जूगु आत्मघाती बम आक्रमणय् लानाः दर्जनौं मनूत सीगु दु । उत्तरी नाइजेरियाया योवको दमातरुय् ब्राजिल व मेक्सिकोदथुइ जुयाच्वंगु धेंधेंबल्लाः कासा स्वयाच्वंगु इलय् उगु विष्फोटनय् आपालं मनूत घाःपाः जूगु न्ह्यःथंगु दु ।
घाःपाः जूपिं आपालं मनूतय्गु अवस्था तच्वगु उद्दारय् संलग्न अधिकारीतय्सं न्ह्यःथंगु दु । नाइजेरियाय् लिपांगु दिंसं इस्लामिक विद्रोही संगठन बोको हरामं श्रृंखलाबद्ध आक्रमण यानाः वयेधुंकाः प्रशासनं सार्वजनिक थासय् फुटबल स्वयेत प्रतिबन्ध तःगु खः । बोको हरामं विश्वकप फुटबलयात नं इस्लाम विरुद्धको अभियानया संज्ञा ब्यूगु दु ।
विष्फोटलिपा प्रशासनं योवमा नं संकटकाल घोषणा याःगु दु । थ्व स्वयाः न्ह्यः हे नाइजेरियाया निगू राज्यत बोर्नो व अडामावाय् संकटकाल जारी यायेधुंकूगु दु । सन् २००९ निसें बोको हरामं उत्तरपूर्वी नाइजेरियाय् याःगु आक्रमणय् निद्वः स्वयाः आपालं मनूत सीधुंकूगु दु ।
