सगरमाथा आरोही रामकृष्पाखें सुभाय् देछा
न्हापांम्ह नेवाः सगरमाथा आरोही रामकृष्ण श्रेष्ठं शनिवाः क्षेत्रपाटी पार्टी प्यालेसय् छगू ज्याझ्वःया दथुइ थःगु स्वक्वःगु आरोहणया निंतिं ग्वाहालि यानादीपिं सकलसितं सुभाय् देछानादीगु दु ।
“सगरमाथाय् वंगु हिमपहिरोय् लानाः १६ म्ह आरोहण सहयोगीपिं सीगुलिं थुगुसीयात सगरमाथा आरोहणया हाकुगु द“कथं हनेगु घोषणा यानाब्यूगुलिं थुगुसी जिं आरोहणयात दथुइ हे दिके माल । तर वइगु द“ थ्वहे नारा व उद्देश्य ज्वनाः सगरमाथाया च्वकाय् थ्यंकां त्वःते” आरोही श्रेष्ठं धयादिल । वय्कलं ‘विश्व शान्तिया निंतिं वातावरण बचय् याये’ धइगु नारा बिसें वंगु बैशाख ३ गते स्वक्वःगु सगरमाथा आरोहणया निंतिं सगरमाथापाखे झायादीगु खः ।
सगरमाथा आरोही रामकृष्ण श्रेष्ठ स्वक्वःगु आरोहण ग्वाहालि समितिया ग्वसालय् जूगु ज्याझ्वलय् नुगः ख“ तयादिसें मूपाहा“ समाजसेवी, उद्योगपति, भाषासेवी, नेवाः न्ह्यलुवा लक्ष्मीदास मानन्धरं आरोही श्रेष्ठं गुगु आज्जु ज्वनाः सगरमाथा आरोहण यानादीत्यंगु खः व तसकं हे बांलाःगु व मयासें मगाःगु जूगुलं वय्कःयात ग्वाहालि यायेत थः न्ह्याबलें तयार दुगु ख“ कनादीगु खः । श्रेष्ठं सगरमाथाया च्वकाय् नेवाः पलाः थ्यंकाः नेवाः व नेपाःयात विश्वय् हे म्हसीकेगु ज्या याःगुलिं वय्कलं सुभाय् नं देछानादिल ।
थुकथं हे ज्याझ्वलय् समितिया प्रतिवेदन न्ह्यब्वयादिसें समितिया सचिवलिसें नेवाः जागरण मञ्चया अध्यक्ष सुजीव बज्राचार्यं थःपिसं स्ववाःया म्हो इलय् आरोहणया तयारी यायेमाःगुलिं निश्चितरुपं हे थाकुगु जूसां नेवाः नुगः दुपिं व ग्वाहालिया भावना दुपिन हुनिं यानाः म्हो इलय् नं १० लाख स्वयां अप्वः ग्वाहालि मुंकेफुगु ख“ कनादिल ।
ग्वाहालि समितिया कजि सुरेन्द्रवीर मालाकारया सभापतित्वय जूगु ज्याझ्वलय् दुजः राजीव सेढाईं लसकुस यानादीगु खःसा दुजः सत्यनारायण महर्जनं ज्याझ्वः न्ह्याकादीगु खः ।
