चिडियाघरय् प्रतिबन्धित प्लाष्टिकया म्हिचा

थुगुसी विश्व वातावरण दिवसया झ्वलय् चिडियाघरय् प्लाष्टिकया म्हिचा दुत यंके मदइगु बुखँ पिहां वःगु दु । थथे यायेमाःगु कारण धयागु अज्याःगु म्हिचाय् तयाः पशुतय्त नकेगु बीगुिलं पशुतय्सं प्लाष्टिकया म्हिचा नापं नुना छ्वइगु व लिपा थ्वहे कारणं कृष्णसागर माकः थेंज्याःिपं पशुत सीगु जुयाच्वन ।

थज्याःगु घटना पनेत आःयात न्हापांगु पलाखय् लय्ताःच्यः व अनया कर्मचारीतय्सं प्लाष्टिकया म्हिचा मछ्यलेत अन चाःहिलाः इनाप याइगु व लिपा थज्याःगु म्हिचा दुत छ्ययेके हे मबीगु याःगु दु ।

अज्याःगु म्हिचाया पलेसा अन कापःया म्हिचाया व्यवस्था याना तइगु व कापःयागु म्हिचा छ्यलेत ५० तका पुले माःगु व्यवस्था याःगु दु । चिडियाघरं पिहां वयेबलय् थ्व म्हिचा बियाः ध्यबा लित नं कायेफु । म्हिचा छ्यःगु वापत न्यातका दां सेवा शुल्क कथं क्वपाला काइ ।

लँय् ववं प्राकृतिक रुपं वइगु सुनां पनां-पने मफइगु खि-च्व फायेत विशेष थासय् ध्यबा पुलेमाः थें चिडियाघरय् वनीिपंसं अनयागु म्हिचा छ्यलेत न्यातका दां पुलेगु धयागु छुं तःधंगु खँ मखु । थ्व आदर्श नागरिकया कर्तव्य नं खः । यदि सुयां थःपिनि नयेगु ज्वलं ज्वना वनेत अनयागु म्हिचा छ्यले लुइपु मजूसा÷मयःसा थम्हं हे छेँनं निसें हे प्रतिबन्ध मजूगु म्हिचा ज्वना वनेफु ।

चिडियाघर प्लाष्टिकया म्हिचा दुमछ्वयेगु ज्या स्वयेबलय् चिचाधंगु ज्या थें च्वंसां थ्व सफल याये थाकुगु ज्या नं जुइफु । नियम जक दयेकां थ्व लागु मजुइफु । पाचायतकालंनिसें न्ह्यःनेलाःथाय् फोहोर वांछ्वये मते निश्चित थासय् व निश्चित इलय् जक वांछ्वयेगु याये धया वयाच्वंगु स्वंगू दशकं मयाये धुंकल । आः तिनि खः थे मखुथे थन च्वंिपं मनूतय्सं निश्चित इलय् निश्चित थासय् फोहोर वांछ्वयेगु यात । थथे खःसां काठमाडौंलय् वईपं गुलिखे अशिक्षित मनूतय्सं सुनां मखंक न्ह्यःने लाःथाय् फोहर वांछ्वयेगु ज्या जुया हे च्वंगु दनि । थ्व ज्यां नगरपालिकाया कर्मचारीत दिक्क जुइगु याः ।

दँय्दसं वातावरण दिवस वयाच्वन । थाय्थासय् ज्याझ्वः याइ भाषण बी जलपान याइ टि।भि।इ मन्त्रीया ख्वाः वइ पत्रपत्रिकाय् भाषण वइ । ज्याझ्वः सिधल कि खर्च जूगु स्वयां अप्वः बील वइ । थनया सरकारी ज्या थथे हे जुयाच्वंगु दु लिपा नं थथे हे जुयाच्वनी । सुपः छपु उखेथुखे लाइ मखु । उिकं गुलि नं ज्या याईपं जुइ लय्ताःच्यःत हे जुयाच्वनी । थन नं लय्ताःच्यःत न्ह्यज्याःगुिलं जक थ्व ज्याझ्वः पिहां वःगु खः । कर्मचारी न्ह्यज्यानाः थज्याःगु ज्या ताःलाइगु मखु मन्त्री न्ह्यज्यानाः सुथां लाइ मखु । मन्त्री भाजु धाःिपं सत्ताय् वइ वनी थःपिनि धुकू जायेकाः वनी । न्ह्यज्याईपं व ताःलाकीिपं धयागु धात्थें दुनुगलंनिसें चायेकाः स्वार्थ मदयेक न्ह्याः वईपं लय्ताःच्यः- तय्सं हे खः । उिकं थ्व ज्याय् न्ह्यच्याःम्ह ुचिडियाघरका मीतु खलः नं थथे हे निस्वार्थं न्ह्यज्याये फयेमा धकाः मनंतुने ।

सारासा

More Stories Like this