थ्व दोष सुयागु

थुथाय् यलय् बुंगद्यःया रथजात्रा न्ह्यानाच्वंगु दु । स्वनिगःया दकलय् ताःहाकःगु जात्रा कथं परिचित थ्व १५०० दँ सिबें पुलांगु जात्रा खः । अथें नं लाबला ताःहाकःगु रथ जात्रा उकिसनं रथ स्यन कि झन हे ताःहाकः जूवनी । थुगुसी नं अथे हे जुल ।

खतुं रथजात्रा वंगु वैशाख १३ गते पूच्वय् दयेकूगु विशाल रथय् बुंगद्यः विराजमान याकूगु इलंनिसें हे शुरु जूगु
खः । द्यः रथय् बिज्याःगुया प्यन्हु दुखुन्हु जात्राया न्हापांगु रथयात्रा कथं गाःबहाः छ्वय्लाभू न्यायेकत वैशाख १६ गते पूच्वं रथ साला हःगु इलय् नःत्वालय् थ्यंकाः रथय् खराबी वल । रथ साले मफइगु अवस्था जुल । अथे नं बल्ल बल्ल रथ सालाः गाःबहाः थ्यंकाः छ्वय्लाभू न्यायेकां त्वःतल । गाःबहाः भुज्या वैशाख १७ गते नुगः त्वालय् रथ साले न्ह्यः गाःबहालय् जिक्व मर्मत नं यात । रथ सालाः नुगःत्वाः यंका च्वँच्वं हःखा कोटपाटी थ्यंबलय् सालेगु सिबें सायेकेगु आँट सुयाकें मंत व नुगःया जात्रा अन्यौलय् लाः वन ।

थ्व रथ स्यंगुया मू कारण रथया न्ह्यःने खवय् च्वंगु छगः मूिसं जगंनिसें
रथया निगूगु तल्लाय् तक च्वनीगु सिँ त्वःधूगुिलं रथ स्यंगु खँ रथया बाराही दिल कुमार बाराहीं कनादी । गुथि संस्थान ज्यापु समाज यँवाः वाराही व हःखा त्वाःया मनूत च्वनाः याःगु सहलह लिपा रथ स्यंकाः हाकनं जगंनिसें दयेकेगु क्वःजित । उबलय् तक रथय् च्वंम्ह बुंगद्यः लिकयाः कोटपाटीया निक्वः कवलय् तयेयंकल । रथ स्यंकेगु प्रकि्रया शुरु हे मजूनिबलय् वैशाख २२ गते सनिलय् रथ क्वःदल । बुंगद्यःया रथ क्वःदल कि राज्यय् हे डांवाडोल जुइगु जन विश्वास अद्यापि दनि । धाथें रथ क्वःदलाः कन्हय् खुन्हु हे प्रधानमन्त्री प्रचण्डं राजीनामा बीमाल ।

न्हूगु रथ दयेकेगु प्रकि्रया शुरु जुयाः अन्तत रथ धिसिलाक्क दयेकल यलय्त सकलें दंग नं जुल आः रथ तसकं बांलात । जब जेठ २२ गते शुक्रवा सुथय् बुंगद्यः रथय् बिज्याकाः सनिलय् नुगःया लािगं रथ सालाः नुगः त्वालय् थ्यंकल । थुबलय् तक रथ ठिक हे जुयाच्वंगु खः । तर नुगःत्वालं रथ लगंख्यःया िनंितं साला यंकेगु ¤वलय् हाकनं बांमलाक धेचुल । जेठ २४ गते जर्बजस्तीं थैना बालकुमारी तक थ्यंकल । हानं तान सायेकाः मर्मत यानाः रथ लगंख्यः तक जंगलःया भरय् थ्यंकाः सारा यलय्तय्सं जात्रा न्यायेकल ।

थन प्रसंग ल्ह्वने त्यनागु खँ थ्व रथ जात्रा थुकथं न्ह्यात धयागु आशय जक मखु । रथ जात्राया ¤वलय् वःगु सुधारया लािगं ज्यापु समाज यल सुभाय्या भागिदार खः । छाय्धाःसां न्हापा न्हापा हुलमुलय् ल्वापु जुइगु निसें अनेकन घटनात जुइगु आः ज्यापु समाजं रथ सालीगु इलय् थःपिनि लय्ताः ज्यामित परिचालन यानाः आपालं सुधार वःगु खनेदु । तर ज्यापु समाजं धाःसा रथ सायेकीम्ह हःपाः बीम्हेसित तालिम बीमाःगु खनेदु ।

मेगु खँ रथया पक्षँय् यलय् बुंगद्यःया रथ जात्रा निखें जुइ । छखे दँय्दसं यलया पूच्वय् रथ दयेकाः यल नगरमा परिक्रमा लिपा जावलाख्यलय् थ्यंकाः भोटो क्यने धुनकि जात्रा क्वचाइ । मेखे िझंनिदँय् छक्वः बुंगया भैलः ख्यलय् रथ दयेकाः अनंनिसें रथ साला हयाः च्वय् न्ह्यथना थें हे यलय् परिक्रमा लिपा रथ बुंगय् तुं लित यंकाः अन नं भोटो क्यनाः रथ जात्रा सम्पन्न याइ । रथ जात्राय् िझंनिदँय् छक्वः जक रथ निर्माणय् माःगु जगं निसेंया सम्पूर्ण द्यः तिसा बाहेक सामान न्हूगु तइगु खः । अथे न्हूगु तइगु सामान िझंनिदँ तक दँय्दसं रथ निर्माणय् छ्यली तर आः वयाः दँय्दसं हे न्हून्हूगु सामान छ्यलाः रथ निर्माण यानाच्वंगु दु । अय्नं रथ धाःसा गति मलाः । थनथाय् लाक्क न्ह्यसः दं वइ थथे बांमलाःगुया कारण छु खः बाराही यंवाःतय्सं बांलाक क्वातुक्क रथ निर्माण मयासे जबरजस्तीं जक रथ दयेकूगु खः वा गुथि सस्थानं रथ निर्माणयात माक्व सामान उपलब्ध मयाःगु खः वा द्यः सालीिपंसं हे लाथेपाथे द्यः साःगु खः रथ स्यंगु धेचूगु वा क्वःदलीगुली छु नं छुं कारण ला दया हे च्वनी । तर दोष बियाः रथ तप्यनी मखु । उकी रथ निर्माण प्रकि्रयाय् दुिपंसं रथया कारणं थःिपंत अपगाल वइगु खँय् न्ह्यव हे सचेत जुइमाः । मखुसा न्हापा न्हापा अथे दँ दँ पतिकं रथ स्यनीगु क्वःदलीगु मजू आः थ्व प्यदँ न्यादँया दुने थुकथंया घटना अप्वया वयाच्वंगु दु थुखेपाखे छक्वः सम्बन्धित निकायं ध्यान बीगु खःला

थौकन्हय् रथ लगंख्यःया थति त्वालय् थाका तःगु दु । थ्व रथ जावलाख्यःया लागि सालेत मंगःया १६ खुट्टे्रपाटीइ ज्योतिष च्वनाः िदं स्वयाः जक रथ सालेगु िदं क्वःछी । रथ जावलाख्यः थ्यंकाः प्यन्हु दुकुन्हू देय्या राष्ट्र प्रमुख वयाः भोटो क्यनाः जात्रा क्वचायेकी । तर छता खं छु धाःसां पूच्वं सालाः मंगलय् स्यंगू रथ हाकनं न्हूगु दयेकाः सालं नं स्थिति नाजूक तिनि उकि आः थति त्वालय् हे रथयात हाकनं मर्मत यानाः जक जावलाख्यलय् यंकेमाःगु स्थिति वःगु दु ।

जिविक्रम

More Stories Like this