पीआर व ग्रीन कार्ड व्यक्ति विषयया नितिं लागू जुइमखु : मन्त्री पण्डित
सामान्य प्रशासनमन्त्री लालबाबु पण्डितं विदेशय् बसोबासया नितिं स्थायी उजं पौ पीआर व ग्रीनकार्ड काःपिं कर्मचारीतय्त ऐन निर्माण यानाः जूसां नं कारबाही यानाः हे त्वःतेगु खँ लिसा कयादीगु दु ।
थौं सिंहदरबारय् च्वंगु राज्य व्यवस्था समितिया बैठकय् मन्त्री पण्डितं कर्मचारीं विदेशय् बसोबासया स्थायी उजं पौ पीआर व ग्रीनकार्ड कायेमज्यूगु अडानपाखें थः लिमचिलेगु धयादिसें ऐन निर्माण यानाः जूसां नं कारबाही यायेगु धयादीगु खः ।
मन्त्री पण्डितं कर्मचारीया भाःत वा जहानं पीआर वा ग्रीन कार्ड कायेदइगु व्यवस्था ऐनया मस्यौदाय् मदुगु व थः उकिया पक्षय् नं मदुगु मन्त्री पण्डितया धापू खः । वय्कलं राज्ययात सुशासनपाखे न्ह्यःने न्ह्याकेगु नितिं थः न्ह्याबलें छु नं छुं कसर ल्यंकामतयेगु नापं न्ह्यःथनादीगु दु ।
बैठकय् सभासद्तय्सं बांमलाःगु लोकप्रियताया नितिं स्वयाः नं ऐन व कानुनया परिधीदुने च्वना ज्या क्वचायेकेमाःगु न्ह्यःथनादीगु दु । स्थायी उजं पौ पीआर व ग्रीनकार्डया बिषय सु नं व्यक्ति विशेषया नितिं लागू यायेमज्यूगु धयादिसें सभासद्तय्सं समग्र बिषय ऐन कानुन तर्जुमा यानाः हे न्ह्यःने न्ह्यायेमाःगु खँय् बहः नापं बियादीगु दु ।
