थातय् मलाःगु रक्षा मन्त्री म्हुतु

दिलिप शाही 'शान्तियज्जु’

सरकार गठन जूगु थौं थ्यंमथ्यं स्ववाः दयेधुंकूगु दु । तर थौं तक नं सरकारं पूर्णता धाःसा काये फयाच्वंगु मदु । सरकारं पूर्णता काये मफुगु हुिनं यानाः देय्या थीथी ख्यः नं प्रभावित जुयाच्वंगु दुसा गुलिखे महत्वपूर्ण निर्णय याये मफयाः समस्या नं ब्वलनाच्वंगु दु ।

२०६२÷६३ सालया आन्दोलनय् जनतां राजनीतिक पार्टीयात बिउगु म्यान्डेट धइगु इलय् हे संविधानसभाया चुनाव यानाः इलय् शान्ति प्रकि्रयायात तार्किक निष्कर्षय् थ्यंकेगु व इलय् संविधान च्वयेगु खः । तर नेपाःया राजनीतिक पार्टी दुने हावी जूगु सत्तालोलुपताया कारणं थ्व सकतां ज्या ध्याकुनय् लाइगु सम्भावना अप्वया वनाच्वंगु दु ।

थौं छखे माओवादीं राष्ट्रपतिया पलाः िभंकेमाःगु माग यासें सदन व सतक निगुिलं थासं आन्दोलन यानाच्वंगु दुसा मेगु सरकारं धाःसा माओवादीया नेतृत्वय् दुगु सरकारं याःगु ज्यायात खारेज यायेगु जक मखु उगु निर्णय विरुद्ध मन्त्रिमण्डलय् दुिपंसं हे सार्वजनिक रुपं न्ववायेगु समेत यानाच्वंगुिलं माओवादी व सरकार दथुइ ब्वलनाच्वंगु राजनीतिक द्वन्द्व झन जक तच्वया वनीगु मखुला धइगु न्ह्यसः ब्वलनाच्वंगु दु ।

विशेषतः एमालेपाखंे सरकारय् वनाच्वंम्ह रक्षा मन्त्री विद्या भण्डारीं थौंकन्हय् बियाच्वंगु अभिव्यक्ति व यानाच्वंगु ज्यां गनं शान्ति प्रकि्रया धरापय् लाइगु जकं मखुला धइगु न्ह्यसः नं थन ब्वलनाच्वंगु दु । रक्षा मन्त्री मय्जु भण्डारीं गुगु कथं अभिव्यक्ति बीगु ज्या यानाच्वंगु दु थुिकं छखे प्रमुख प्रतिपक्षी दल माओवादीयात तंचायेकेगु ज्या यानाच्वंगु दुसा मेखे अन्तरिम संविधानया अःखः नं जुयाच्वंगु दु । उिकं गनं एमालें भण्डारीयात मन्त्री दयेकूगु हे गलत जकं जू मवंला धइगु चर्चा नं एमाले दुने हे शुरु जूगु दु ।

खतुं एमाले दुने विद्या भण्डारी व केपी ओली गुटयात माओवादीया प्रखर विरोधी नेता कथं कायेगु याः । अले थुमिसं माओ- वादीया विरुद्ध बियाच्वंगु गुलिखे द्वपं नं राजनीतिक चरित्रया मजुसें व्यक्तिगत छटपटीया हे छगू रुप थें जक खने दयाच्वंगु दु । अले भाजु ओलीया थ्व छटपटी धइगु संविधानसभा चुनावया इलय् जूगु थःगु जक मखु पार्टीया पराजयया लिच्वः कथं खः धायेत लिफः स्वयेमाःगु मदु । संविधानसभा चुनावया इलय् एमालें माओवादीयात गुकथं नजरअन्दाज यायेत स्वःगु खः उकिया लिच्वः थौं एमालें फये मालाच्वंगु दु । अले हरेक थासं पराजित मानसिकता कुबिया जूम्ह मनुखं न त थम्हं छुं िभं ज्या याइ न मेिपंत हे िभंकेत स्वइ । अले थौं ओली गुटं सरकारय् वनेधुंकाः यानाच्वंगु ज्या वा धाये थौं वयाः
रक्षा मन्त्रीं गुगु न्ववायेगु ज्या यानाच्वंगु दु थुिकं थ्व हे खँयात संकेत यानाच्वंगु दु ।

थौं थःगु हे कारणं यानाः छखे सरकार गठन याये फयाच्वंगु मदुसा मेखे मधेशी जनअधिकार फोरम दुने ब्वलंगु विवादया कारणं सरकारया स्थायित्वय् नं न्ह्यसःिचं ब्वलनाच्वंगु इलय् माओवादी नेतृत्वं यानावंगु निर्णय हिलेगु धइगु माओवादीयात अझ तं चायेकेगु खः । अझ प्रमुख प्रतिपक्षी जुयाच्वंम्ह माओवादीयात ह्ययेकाः थःगु पक्षय् हयेमाःथाय् अःखतं माओवादीयात तं चायेकेगु धइगु थःगु हे नेतृत्वय् दुगु सरकारयात असफल यायेगु खः । तर ओली गुटया मन्त्रीतय्सं थ्व खँयात थुइके मफगु तःधंगु विडम्बना धायेमाः ।

थौं तक माओवादीं धाथें वर्तमान सरकारया विरुद्ध आन्दोलन यानाच्वंगु धाःसां वास्तविक आन्दोलन ला याःगु हे मदुनि । थौंकन्हय् माओवादीं यानाच्वंगु ला टेलर ब्वज्या जक खः । यदि ओली गुटया थज्याःगु हे गतिविधि अप्वया वन धाःसा गज्याःगु फिल्म वइगु खः थ्व खँय् धाःसा ओली पक्ष अझं ध्यान मबिउगु जकं खः ला थौं माओवादीं गुगु कथं शान्तिपूर्ण आन्दोलन यानाच्वंगु दु यदि थुकियात गलत रुपं थुइकाः वा उमिगु कमजोरी जक खः धइगु कथं कयाः आः राजनीतिक पार्टीतय्सं माओवादी विरुद्ध गुकथं लाथेपाथे न्ववायेगु निसें माओवादीयात आक्रोशित यायेत स्वयाच्वंगु दु थुिकं माओवादीयात मखु स्वयम् उगु हे राजनीतिक पार्टीयात हित मजुइगु निश्चित दु ।

थौं रक्षा मन्त्रीं याना जूगु ज्या व न्ववाना जूगु खँया कारणं प्रधानमन्त्री तकं मिछंगु अवस्थाय् लात धकाः धाये मालाच्वंगु दु । अले थःगु हे सरकारय् दुिपं दुजःतय्त मिछंगु अवस्थाय् लाकाः माओवादीया विरुद्ध वनेगु धइगु नं गुलि तक उचित जुइ थ्व खँ नं ओली गुटं सोचे यायेमाःगु आवश्यकता थौं जुयाच्वंगु दु ।

थ्वहे झ्वलय् एमाले व माओवादीया दथुइ ताः ई लिपा जूसां नं संवाद शुरु जूगु दु । अले थ्व संवादयात निगुिलं पुचलं सकारात्मक रुपं कयाच्वंगु खँ पिहां वयाच्वंगु दु । यदि माओवादी व एमालेया दथुइ न्ह्याःगु वार्ता सकारात्मक जुल धाःसा निश्चित दु थ्व सरकार न्ह्याकेत एमालेयात अःपुइ । मखु ओली गुटया अहंकारया कारणं हे थ्व वार्ता विफल जुल धाःसा थुिकं ओली गुटया जक मखु एमालेयात हे बांमलाःगु लिच्वः लाइगुपाखे नं एमालें ध्यान बीमाःगु आवश्यकता दु ।

थौं निगू पार्टीया दथुइ वार्ताया वातावरण जुयाच्वंगु इलय् एमालें यायेमाःगु छता ज्या धइगु रक्षा मन्त्रीं गुकथं लाथेपाथे न्ववायेगु यानाच्वंगु दु उकियात दिकेमाः । अले माओवादीलिसे सौहार्दपूर्ण रुपं खँल्हाबल्हा यानाः फुसा माओवादीयात नं सरकारय् दुथ्याकेमाः । मखु माओवादी प्रतिपक्षँय् च्वने धाःसां नं सकारात्मक प्रतिपक्षया भूमिका म्हितेगु िनंितं माओवादीयात ग्वाहालि कायेमाः । थ्व थौंया आवश्यकता नं खः । थौंया इलय् माओवादीयात बासपास यानाः गुगुं नं गुट न्ह्याः वनेत स्वयेगु धइगु थःगु हे तुतिइ थम्हं हे खिपतं चीगु थेंज्याःगु ज्या जुइगुपाखे नं एमालें सोचे यायेमाःगु आवश्यकता दु । द्वन्द्वया दथुं सुं नं न्ह्याः वने फइमखु थ्व खँयात सकस्यां वाःचायेकेमाः ।

More Stories Like this