जनजातितपाखें आन्दोलनया घोषणा
आदिवासी जनजाति मंकाः संघर्ष समितिं थीथी इलय् सरकारं याःगु सहमति कार्यान्वयन मयागु धासें आन्दोलनया घोषणा याःगु दु । मंकाः संघर्ष समितिं आइतवाः छगू पत्रकार सम्मलेन यासें सरकारं याःगु सहमति पलना यायेमाःगु माग यासें न्हापांगु चरणया आन्दोलनया घोषणा याःगु दु ।
वैशाष ७ गते निसें सुरु जुइ कथं संघर्ष समितिं प्रधानमन्त्री, सभामुख नापं प्रमुख राजनीतिक दलया नेतातय्त ज्ञापनपौ लःल्हायेगु, थीथी प्रचारत्मक ज्याझ्व यायेगु, मोटरसाइकल ¥याली यायेगु खँ धाःगु दु । न्हापांगु चरणया लिप्पांगु ज्याझ्वः कथं न्हापांगु संविधानसभा विघटन जूगु जेठ १४ गते कुन्हु सभा यायेगु खँ धाःगु दु ।
संघर्ष समितिं जातिय पहिचान सहितया प्रदेश निर्माण, आत्मनिर्णयया अधिकार, अग्राधिकार व समावेशी संविधान जारी जुइमाःगु माग यानावयाच्वंगु दु ।
