जनवहाः याः माहांपिंसं ब्वति काइगु
सोमवाः निसें न्ह्याःइगु जनवहाः याःलय् महांतय्स् ब्वति काइगु जुगू दु ।
अर्थमन्त्रालयपाखें माहांपिंत बिइमाःगु पारिश्रमिक निकासा याःगु सुचं वयेधुंकाः माहांपिंसं याः ब्वति कायेगु धंकाः क्वःछियेगु ज्या याःगु खः । अथेहें याः नापं सरोकार पक्षतय्सं नं सकारात्क व्यवहार यानाः हयाच्वंगु नं माहां दुर्गाबहादुर डंगोलं कनादिगु दु ।
न्यादँ तक नं पारिश्रमिक मकाःसें ज्या यानाः वयाच्वंपिं माहांपिं थःगु पारिश्रमिकया निकासा निंतिं अर्थमन्त्रालय् तक थ्यम्ह माहांतय्तं अर्थ मन्त्रालयपाखें जुजुया ज्या याइपिं छिम्त अर्थ मन्त्रालयपाखें बजेट निकासा याये फइमखु, जुजुयाकें हे पारिश्रमिक काःहु धंकाः लिस तक बिइगु यानाः वयाच्वंगु खँ माहां नायः दुर्गाबहादुर डंगोलं कनादिगु खः।
लुमंके बहगु खँ येँ लागाय् दुने न्ह्याइगु तजिलजि न्ह्याकेगु निंतिं ६० म्ह (नायः २म्ह, लुइ नायः ८म्ह व ५०म्ह माहां)तय्सं नेतृत्व यानाः गन्तब्य थाय् तक थ्यकेगु ज्या यानाः वयाच्वंगु दु ।
Related Stories
माहांनीतय्सं थुगुसिइ जनबहाः याः ब्वति मकाइगु
