इतुम्बहालय् पहिचान पक्षधरया सभा जुइगु

थ्वहे वइगु चैत २१ गते कुन्हु नेवाः स्वायत्त राज्य मंकाः सघर्ष समितिया ग्वसालय् येँया इतुम्बहालय् पहिचान पक्षधर दलतय्सं सम्बोधन याइगु छगू बृहत्त सभा जुइत्यंगु दु ।

पहिचानया मुद्दा राष्ट्रिय मुद्दा जुइधुंकाः नं पहिचानया विषययात कयाः ब्वलनाच्वंगु भ्रम चिकेत नापं पहिचानया मुद्दा ल्ह्वनाः च्वंगु दलतय् दथुइ जुयाच्वंगु थीथी मतयात चीकाः छगू हे मत प्वंकेगु कथं ज्याझ्वः जुइत्यंगु खँ मंकाः संघर्ष समितिं धाःगु दु ।

थुगु सभाय् एकीकृत नेकपा (माओवादी)या नायः पुष्पकमल दाहाल 'प्रचण्ड', नेकपा-माओवादीया नायः मोहन किरण बैद्य, संघीय समाजवादया नायः अशोक राई, मधेशी जनअधिकार फोरमया नायः उपेन्द्र यादव नापं थीथी पहिचान पक्षधर नेतातय्सं सम्बोधन याइगु खँ मंकाः संघर्ष समिति धाःगु दु ।