विविधताया आधारित संघीयता आवश्यक : खनाल
नेकपा एमालेया नायः झलनाथ खनालं भाषिक व जातीय पहिचानया आधारय् जक मखुसे विविधताया आधारित संघीयता आवश्यक जूगु धयादीगु दु ।
एमाले केन्द्रीय संघीय मामिला विभागं थौं शनिवाः येँय् ग्वसाः ग्वःगु छगू ज्याझ्वलय् नायः खनालं उगु खँ धयादीगु खः । वय्कलं थःगु पार्टी न्हय्गू प्रदेशया प्रस्तावय् न्ह्याःवनाच्वंसां नं न्यागू निसें गुंगू प्रदेशय् तक सहलह यायेत तयार जूगु धयादिल ।
संविधानसभा नियमावली पारित जुइधुनेवं संविधान दयेकेगु व राज्य पुनःसंरचनाया ठोस प्रकृया शुरु जूगुलिं फुक्क नेपाःमितय्गु आर्थिक, सामाजिक व हक अधिकार सुनिश्चित यायेत दच्छिया दुने संविधान जारी यायेमाःगु नायः खनालं बः बियादिल । (रासस)
