सतुंगलय् चिताधुंया आतंक

कृष्ण प्रजापति
सतुंगःया थीथी थासय् हिंश्रक चिताधुंया आतंकं स्थानीय मनूत हैरान जुयाच्वंगु दु ।

जंगलं पिहाँवःम्ह उम्ह चिताधुं फागुन महिनाय् जक स्थानीय मनूतय् झिंन्याम्ह च्वले, दुगु नये धुंकूगु दु । वयात नियन्त्रण यायेत स्वयाच्वंपिं मध्ये स्वम्ह मनूयात घाःपाः याना चिताधुं सुलाच्वंगु दु । चिताधुं नियन्त्रण यायेगु निंतिं बन बिभागयात खबर यानाः मनू खते यायेगु ज्या सुरु याःगु दु । तर वयात धाःसा नियन्त्रणय् कायेफुगु मदुनि । चिताधुंया आक्रमण स्थानीय बोसिगांया ४ वडाय् च्वंम्ह रत्नकाजी महर्जन, बोसीगां ६ वडाया ६० दँ दुम्ह धनबहादुर महर्जन व बोसिगां २ वडाया २६ दँ दुम्ह अमृत महर्जन घाःपाः जूगु खँ प्रत्यक्षदर्शी न्हुछेप्रसाद प्रजापतिं नेपालमण्डलयात कनादिल । अन आः खुसि बगलय् प्रहरी पाः तयाः चिताधुंयात नियन्त्रणय् कायेत स्वयाच्वंगु दु । उगु घटनां पीडित सलंसः मनूत उम्ह चिताधुं नियन्त्रणय् लगे जुयाच्वंगु दु ।