इलाम चमैताय् न्हापांगु मंकाः कय्तापूजा
इलाम जिल्लाया चमैता गाविसया मैदानेय् च्वंम्ह समाजसेवी प्रतिबहादुर श्रेष्ठं थः स्वम्ह छय्पिं नापं गांयापिं च्याम्ह काय्मस्तय् मंकाः कय्तापूजा याःगु दु ।
पूर्वाञ्चलय् हे न्हापांखुसि नेवाः परम्परा कथं थुकथंया मंकाः कय्तापूजा जूगु खँ पूर्वाञ्चलया हे बरिष्ठ गुभाजु अशोक बज्राचार्यं नेपाल मणंडलयात कनादिल ।
प्रतिबहादुर श्रेष्ठया तःधिम्ह काय् सुवासया याकः काय् रोहण श्रेष्ठ, कान्छाम्ह काय् सुदिप श्रेष्ठया काय्पिं सुसन श्रेष्ठ व निसान श्रेष्ठ नापं २५ दँया काय्चा संजय श्रेष्ठ, सुजर श्रेष्ठनापं च्याम्हेसिया मंकाः इहिपा याःगु खः । उगु हे ज्याझवलय् सुवासया याकः म्ह्याय् रोजी श्रेष्ठया नं इहि ज्या क्वचायेकूगु खः ।
