पेट्रोलियम पदार्थया भावय् वृद्धि

नेपाल आयल निगमं पेट्रोलियम पदार्थय् आपालं ल्याखं मूल्य वृद्धि याःगु दु । निगम सञ्चालक समितिया थौं सुथय् च्वंगु बैठकं थौंनिसें लागू जुइकथं पेट्रोलय् प्रतिलिटर झितका लिसे डिजेल व मचिकनय् खुतका वृद्धि याःगु खः ।

न्हूगु मूकथं, पेट्रोल प्रतिलिटर सच्छि व पीतका थ्यंगु दुसा डिजेल व मचिकं प्रतिलिटर सच्छि व गुतका थ्यंगु दु । निगमं हवाई इन्धन अन्तर्गत आन्तरिक उडानय् प्रतिलिटर खुतका व अन्तर्राष्ट्रिय उडानपाखे प्रति किलोलिटर सच्छि डलर वृद्धि जूगु प्रवक्ता मुकुन्द घिमिरें जानकारी बियादीगु खः । थ्व स्वयाः न्ह्यः वंगु भाद्र २६ गते भाः थकाःगु खः ।