दिलशोभा प्रकरणय् प्रेस काउन्सीलपाखें छानबीन समिति नीस्वन
प्रेस काउन्सील नेपालं समाजसेवी दिलशोभा श्रेष्ठ विषयस् नागरीक दैनिकय् छापेयाःगु बुँखया बारे छानबिन यायेत सर्वोच्च अदालतया पुलाम्ह रजिष्ट्रार रामकृष्ण तिमल्सेना नायसुई समिति नीस्वगु दु ।
समिति मुँ कथं नागरीक पत्रिकायात प्राप्त जुगू सुचँया आधार दिलशोभायात यौन दुराचारीया द्वपं बिइगु पत्रकारीताया आचार सहिंता, मुल्य, मान्यता कथं अनुकुल जु वा मजु अथें आचार सहिंता उल्लघन जुगू दु वा मदु, आचार सहिंता उल्लघन जुगू दुसा गु कथंया कारवाही न्ह्याकेमा धाइगु बिषस् छानबिन याइगु खँ समितिं कनादिगु दु । नापं सत्य तथ्य खँ छानबिन यायेगु खँ नं समितिं धाःगु दु ।
थ्व विषयस् काउन्सीलय् लिखित कथं उजुरी तयेगु ज्या पिडित पक्षपाखें याःगु मदुसा नं थ्व विषयस् सार्वजनिक सरोकारया विषय जुगूलिइ प्रेस काउन्सीलं स्वअनुसन्धान यायेत्यंगु खः । थ्वः समितियात लछिया ई बिइगु दुसा समितिलय् दुजः कथं प्रबलराज पोखरेल व शोभा गौतम च्वनादिगु दु ।
