निदँ फुत छोरीमैयाँ महर्जन बेपत्ता जुगू

वंगु २०६८ फागुण १६ गतेनिसें बेपत्ता जूम्ह छोरीमैयाँ महर्जन बेपत्ता जूगु शुक्रवाः निदँ फुनां स्वदँय् क्यन ।

छोरीमैयाँ बेपत्ता जूगु निदँ फूगु झ्‍वलय् छोरीमैयाँ खोजी दवाब पुचलं छोरीमैयाँया लुमन्ति निदँया दुने याःगु थीथी दवाबमूलक ज्याया सुचंत सार्वजनिक यायेगु ज्या नं जूगु उगु ज्याझ्वलय् छोरीमैयाँया लुमन्तिइ बसन्तपू लाय्कुलिइ मैनमत च्याकेगु व दवाबया इलय् याःगु थीथी किपात व सुचंत ब्वयेगु ज्या नं जूगु खः ।

ज्याझ्वलय् दवाब पुचःया नायः भाजु पञ्चनारायण महर्जनपाखें छोरीमैयाँया अवस्था पत्ता लगे यायेगु निंतिं सरकारयात जनदवाब बिइया निंतिं ग्वाहालि यायेत नं अपिल याःगु खः । अथेहे सुरक्षाया थीथी निकाययात दवाब बिइगु कथं नं थुगु ज्याझ्वः यानाःगु खँ महर्जनं कनादीगु खः ।