निर्वाचनलिपा प्रतिक्रान्ति जुल : दाहाल

एकीकृत नेकपा माओवादीया नायः पुष्पकमल दाहालं निक्वःगु संविधानसभा निर्वाचनलिपा देशय् प्रतिक्रान्ति न्ह्यागु धयादीगु दु ।

शहीद सप्ताहया लसताय् थौं पार्टी मू ज्याकू कोटेश्वरया पेरिसडा“डाय् जूगु ज्याझ्वलय् न्ववानादिसें दाहालं निर्वाचनलिपा देशय् प्रतिक्रान्तिकारी शक्तित ब्वलना वःगु धयादीगु खः ।

दाहालं थज्याःगु शक्तिया हुनिं प्राप्त राजनीतिक उपलब्धी धरापय् लाइगु ग्याःचिकु अप्वःगु खँय् च्यूताः प्वंकादीगु दु । वय्कलं अझ नं जनता एकीकृत नेकपा माओवादी प्रति हे आशावादी दुगु धयादिसें निर्वाचनय् जूगु क्षणिक पराजयपाखें धाःसा निराश व बिचलित मजुइत कार्यकर्तातय्त इनाप यानादीगु दु ।