दीपक मनाङ्गेयात दशरथ रंगशालां ज्वनायंकल
गुण्डातय् नाइके दीपक मनाङ्गेयात प्रहरीं दशरथ रंगशालां ज्वनायंकूगु दु । मंगलवाः न्हिनय् दशरथ रंगशालाय् जूगु मनाङ्ग मर्स्याङ्गदी क्लब व नेपाल पुलिस क्लब दथुइया फुटबल धेंधेंबल्लाः कासा स्वयेत वंम्ह मनाङ्गेयात प्रहरीं अनंतुं हे ज्वनायंकूगु खः । मनाङ्गेयात आः जिल्ला प्रहरी ज्याकू हनुमानढोकाय् तयातःगु दु ।
मनाङ्गें गुण्डागर्दी यानाः सर्वसाधारणतय्त आतंकति दयेकूगु, जबर्जस्ती धेबा म्हःगु व मेमेगु अवैध क्रियाकलापय् ल्हाः दुगु द्वपनय् ज्वंगु जिल्ला प्रहरी ज्याकू हनुमानढोकाया छम्ह प्रहरी अधिकृतं जानकारी ब्यूगु दु ।
एसएसपी रमेश खरेल काठमाडौं प्रहरी प्रमुख जुइधुंकाः थुखे न्यय्म्ह स्वयाः आपालं गुण्डा व उमि हे नाइकेतय्त प्रहरीं ज्वनेधुंकूगु दुसा खरेल काठमाडौं प्रहरी प्रमुख जुयाः वयेधुंकाः थुखे ज्वंम्ह दीपक मनाङ्गे दकले नांजाःम्ह गुण्डा नाइके खः ।
