खिचाया नामय् श्राद्ध यानाः भ्वय् न्यायेकल

कृष्ण प्रजापती

ख्वपया गोल्मढी त्वालय् च्वंपिं मचामसि समूदायया ज्यापुतय्सं बंगु बिहिवाः खिचाया नामय् श्राद्ध यानाः भ्वय् न्यायेकल । अन स्वसःति द“ न्ह्यःनिसें खिचाया नामय् श्राद्ध यानाः भ्वय् न्यायेकेगु चलन सुरु जूगु खः । अन महाद्यः गुथिया नामं खिचाया नामय् तयातःगु जग्गा थःपिसं यानाच्वंपिं गुथियारतय्सं उकथं खिचाया श्राद्ध यानाः भ्वय् न्यायेकेगु चलन याना वयाच्वंगु खः । द“य् दसं सिलाथ्व चतुदर्शी कुन्हु खिचाया श्राद्ध यानाः उगु भ्वय् न्यायेकी ।

न्हापा न्हापा छम्ह खिचा थः नापं बुं वंसां न्ह्याथाय् वंसां ग्वाहालि बिइम्ह जुयाः निसन्तान परिवारं उम्ह खिचाया नामय् फुक्कं सम्पत्ति तयावंगु व उगु जग्गा गुथियारतय्सं काये धुंकाः धाःसा नियमित रुपं आः तक नं खिचाया नामय् श्राद्ध यानाः भ्वय् न्यायेकेगु यानाच्वंगु दु । उगु श्राद्ध याये छन्हु न्ह्यः आइग्लासं च्याकाः मि काइ । निभाः मत्वया आइग्लासं मि काये मफुत धाःसा गनं इहिं जग्यया थासं मि पुसा हयेमाःगु वा अथेनं मखुसा संक्वःया अखण्ड दीपं मि हयेमाःगु चलन दु ।