नेपाल वायुसेवा निगमया हवाइजहाज दुर्घटना, मानविय क्षतिया बारे सीमदुनि
नेपाल वायुसेवा निगमया नाइन एन एबीबी ट्विनअटर जहाज आइतवाः न्हिनय् दुर्घटना जूगु दु । येँय् नं पोखरा जुयाः जुम्ला ब्वःगु उगु विमान अर्घाखाँचीया खिदिम जंगलय् दुर्घटना जूगु पुष्टियाःगु दु ।
चालक दलया स्वम्हलिसें १८ म्ह दुगु उगु जहाजय् १० म्ह कर्णाली ट्राभल्सं टिकट काःपिं सीदुगु दु ।
विमानया पाइलट ४५ दँ दुम्ह शंकर श्रेष्ठ हेटौंडा छेँजुया यलया सानेपाय् च्वनाच्वम्ह खः । को–पाइलट रविन्द्र बन्जारा मलेसियां पाइलटया तालिम कयाःवःम्ह खः । किपूयाम्ह एयरहोस्टेज मुना महर्जन छुं दँ न्ह्यवनिसें नियमय् आवद्धम्ह खः ।
दुर्घटजनाय् काँग्रेसया जुम्ला जिल्लाया सभापति मानव सेजुवाल, पत्रकार गौरी कठायत, शिक्षक दम्पत्ती टेकबहादुर महतरा व नन्दा महतरा, डी महतरा, जुम्ला जनस्वास्थ्यया नर्स वर्षा हमाल व वया काय्, उमा तामाङ्ग, डा. विकल्प पोखरेल, बिपी उपाध्याय, कृषि विकास कार्यालयया प्रबन्धक राजेन्द्रप्रसाद देवकोटा, दिपक श्रेष्ठ डी शाही, आर चौलागाईं व डेनमार्कया नागरिक छम्ह नं लाःगु एयरलाइन्सया प्रवक्ता रामहरि शर्मा जानकारी ब्यूगु दु ।
जहाज दुर्घटना जूगु थासय् उद्धारया लागि नेपाली सेना व सशस्त्र प्रहरी त वनाच्वंगु दुसां उद्धार हे धाःसा आःतकं यायेफुगु मदुनि ।
