मनकामना केबुलकार न्ह्याकूम्ह व्यवसायी मन्त

नेपाःया लोकंह्वाःगु सांस्कृतिक धरोहर मनकामना द्यःयाथाय् अःपुक वनेगु लागि दयेकूगु केबुलकारया व्यवसायी लक्ष्मणबाबु श्रेष्ठ मन्त । मधुमेह व जँलास्यें ल्वचं कयाच्वंम्ह ७६ दँ दुम्ह श्रेष्ठ भारतया दिल्लीइच्वंगु मेदान्त अस्पतालय् वासः याकुयाकुं बिहिवा मदुगु खः ।

वय्कःया सीम्ह शुक्रवाः नेपाः हयाः अन्तिम संस्स्कार याइगु छेँजःपिंसं धाःगु दु । नेपालय् हे न्हापांखुसी न्ह्याकूगु थुगु केबुलकारं याना मनकामना द्यःया दर्शन यायेत अःपुगु खः । उकिसनं बुरावुरीतय्या लागि ला द्यः दर्शन यायेत बरदान सावित जूगु थुगु केबुलकारं यानां द्यःयाथाय् वइपिं द्वलंद्वः हे दुगु खः ।

श्रेष्ठं थुगु केबुलबारलिसें जलविद्युत व वित्तिय संस्थाय् नं लगानी यानाच्वंम्ह खः । मदुम्ह श्रेष्ठया स्वम्ह काय् व छम्ह म्ह्याय् दु ।