छन्हू हे ८ म्ह जिवित कुमारी पूजा तःजिक क्वचाल

न्हापांगु बृहत सद्यः (जिवित) कुमारी पूजाः २०७० तःजिक क्वचागु दु । ह्यूमत मिसा पुचःया ग्वसालय् सनिवाः जूगु ज्याभ्mवलय् स्वनिगःया च्याम्ह सद्यः –जिवित) कुमारीयात पूजा यात ।
रत्नकाजि महर्जनया संयोजकत्वय् मूल ब्यवस्थापन समिति निस्वना न्ह्याकूगु पूजाय् झिंनिसः भक्तजनतय्गु ब्वति काःगु खः । पुचःया नकिं ज्ञानाशोभा महर्जनं सुथसिया ५ः३० ता इलय् ह्यूमतया थान गणेश पूजा याना कुमारी पूजा न्ह्याकूगु खः । गणेद्यः पूजा याना येँया लाय्कू कुमारीया पूजा याःगु खः । पूजाया भ्mवलय् पुचःया नकिं महर्जनं मू पूजा यानादिलसा न्वकू मछरी महर्जनं स्वांमा छायेपियादिल ।
छ्याञ्जे मचानानी महर्जनं ख्यें सगं बियादी धुंकाः पुचःया सकल दुजःतय्त थीथी ज्वलं छायेकेब्यूगु खः ।
पूजा यायेगु भ्mवलय् गुरुजुपाखें पूजा संकल्प, समय्द्वं संकल्प व छ्याञ्जे महर्जनपाखें अर्घ याकूगु खः ।
मू पूजा क्वचायेका सकल भक्तजनतय्त दर्शन याका थःम्हं हःगु ज्वलं छायेकूगु खः ।
स्वयेमसेवक संयोजक बिकास डंगोलया ब्यवस्थापनय् क्वचागु पूजाय् कान्छा महर्जनया संयोजकत्वय् फुक्क कुमारीया न्ह्यःने समय्द्वं तःगु खः ।
येँया लाय्कू कुमारी पूजा क्वचायेका मखंया कुमारी वयां लिपा किलाघःया कुमारी पूजा याःगु खः । किलाघः कुमारीया पूजा क्वचायेका तोखा कुमारीया पूजा जूगु खः । तोखां ख्वप वया ख्वप लाय्कू कुमारी पूजा याःगु खः । ख्वपं बुंगमति वया बुंगः कुमारीया पूजा याना यलया लाय्कू कुमारी व दलके लिपा आजिवन कुमारी पूजा याना न्हापांगु बृहत सद्यः (जिवित) कुमारी पूजा २०७० तःजिक क्वचायेकूगु खः ।
पूजा क्वचायेका सकल भक्तजनतय्त भ्वय् संयोजक पञ्चनारायण महर्जनया संयोजकत्वय् प्रसाद कथं भ्वय् नकूगु खः ।
नेवाःतय्त जक मखु नेपाःयात हे म्हसिकीगु जिवित कुमारी संस्कृतियात संरक्षण व संवद्र्धन याना स्वनिगःया फुक्क कुमारीया प्रचार प्रसार यायेगु मू तातुनां ज्याभ्mवःया ग्वसाग्वयागु प्रचार प्रसार संयोजक राजु नापितं जानकारी बियादिल ।
वय्कःया कथं थुगुज्याझ्वलं न्हनावनेधुंकूगु थीथी त्वाःया कुमारी संस्कृति पुनस्थापना यायेफइगु धयादिल ।

News Location: