१८ इञ्चया लक्की राई
मय्जु लक्की राई हलिमय् दक्कले चीधिकःम्ह मनू जुया: गिनिज बुकय् रेकर्ड तयेत स्वयाच्वंगु दु । सोलुखुम्बु, देउसाय् च्वनीम्ह लक्की थौंकन्हय् झिंछदँतिनि दुम्ह खःसा वय्कःया धिकः १८ इञ्च जक खः ।
झिंछदँ जक दुम्ह लक्कीया नेपाली नागरिकता कायेमखंनिगुलिं गिनिज बुकय् नां तयेत समस्या जुयाच्वंगु अबुम्ह खेम राई नेपलामण्डल डटकमयात धयादिल । आः न्यादँलिपा नागरिकता कया गिनिज बुकय् नां तयेगु जुइ । थौंकन्हय् थुकिया लागि प्रक्रिया चाहिँ न्ह्याकाच्वनागु दु ।
बूबलय् सामान्य हे खःसा उसाँय् नं बांहेलाःहे लाः तर म्हधिकः धाःसा मगाःगुलिं हलिमय् हे चिधिकःम्ह जूगु दाबि यानादिल । लक्की थौंकन्हय् सँक्वय् जुयाच्वंगु मेलाय् आकर्षण जुयाच्वंगु दु । लक्कीलिसे च्वना किपा काइपिंसं धेबा बीबलय् लसतां सुभाय् नं बियाच्वन ।
लुमंकेबहःजू, नेपाःयाम्ह हे खगेन्द्र नं २२ इञ्च जक जुया गिनिज बुकय् नां तयेखंम्ह खः ।
(किपाय् अबुम्ह खेम राई लिसें लक्की राई)
