डा. कोइरालाया राजिनामा स्वीकृत
त्रिभुवन विश्व विद्यालय् शिक्षण अस्पतालया कार्यकारी निर्देशक डा. भगवान कोइरालां शुक्रवाः ब्यूगु राजिनामा त्रिविविं स्वीकृत याःगु दु । प्रा.डा. गोविन्द के.सी.लिसें सरकारं याःगु प्रतिवद्धता पूमवंकूगु व अस्पतालय् ब्वलंगु परिस्थिती ज्यंकेत सरकार व त्रिविवि पदाधिकारीपिनिगु ग्वहालि मदुगु धयादिसेंल डा. कोइरालां राजिनामा बियादीगु खः ।
वय्कःया राजिनामा त्रिविं स्वीकृत यानागु उपकूलपति डा. हिराबहादुर महर्जन जानकारी ब्यूगु खः । चिकित्साशास्त्रय् माफियातय् दबाब सहयायेमफु धासें राजिनामा बियादीम्ह पुलांम्ह डिन प्रकाश साय्मिं डा. भगवान कोइरालायात शिक्षण अस्पतालय् कार्यकारी निर्देशक यानाब्यूगु खः ।
