प्रा.डा. के.सी.या हाकनं अनसन
त्रिविवि शिक्षण अस्पतालया चिकित्सक प्रा.डा. गोविन्द के.सी. हाकनं आमरण अनसन च्वनादीगु दु । शनिवाः न्हिनसिया ४ ताः इलंनिसें अस्पतालय् हे अनसन च्वनादीगु खः ।
प्रधानमन्त्री व मन्त्रीपरिषद् ज्याकूया सचिव व सरकारी वार्ता टोलिया कजि कृष्णहरी बाँस्कोटां निवाः तक अनसन च्वनाच्वंम्हेसित वंगु माघ १० गते तिनि सरकारपाखें माग पूवकेगु प्रतिवद्धता प्वंकूगु खः । सचिव बाँस्कोटां अनसनस्थलं तुं सहमतिया बुँदा त ब्वना न्यंकूसेलि प्रा.डा.के.सीं अनसन स्थगित याःगु खः । तर त्रिवि व सरकारं सहमति मयाःगु धासें न्यागू बुँदे माग सहित थ्व अनसन हाकनं च्वनेमाःगु धयादीगु खः । प्रा.डा.के.सीं. राष्ट्रपति डा. रामवरण यादवयात नं नापलानादीगु खः ।
संस्थानय् पुलांम्ह हे डिन प्रकाश साय्मियात हे पुनर्बहाली वा वरिष्ठताया आधारय् न्हूम्ह डिन नियुक्त यायेमाःगु, न्हूगु शिक्षण अस्पतालयात आधारभूत पूर्वाधार पूमवंक सम्बन्धन मबीगु व शिक्षण अस्पतालय् राजनीतिक हस्तक्षेत्र दिकेमाःगु माग यासें थ्व अनसन च्वंगु खः ।
त्रिविविं सरकारं ब्युगु उजंयात समेत नालाःमकाःगु धासें के.सीें त्रिवि पदाधिकारीपिंत बर्खास्त यायेत नं सरकारलिसें माग याःगु दु ।
