डा. गोविन्द केसी कन्हय्निसें हाकनं अनसन च्वनीगु

प्राध्यापक डा. गोविन्द केसी थौंनिसें हाकनं आमरण अनसनय् च्वनीगु जूगु दु । सरकारं प्रतिबद्धता कार्यान्वयन मयागु न्ह्यःथना केसीं हाकनं अनसन न्ह्याकादीत्यंगु खः ।

झिंप्यन्हु ताःहाकःगु अनसनलिपा सरकारलिसे सहमति जूसां नं उकिया कार्यान्वयन मजूगु धयादिसें केसी अनसनय् च्वनादीत्यंगु खः । सरकारं त्रिभुवन विश्वविद्यालय चिकित्साशास्त्र अध्ययन संस्थानय् वरिष्ठताया आधारय् डीन नियुत्त यायेगु प्रतिबद्धता पूमवंकुगुलिं हाकनं अनसनय् च्वनेत्यनागु वय्कःया धापू खः ।

सरकारं डीन डा. शशि शर्मायात बर्खास्त यानाः वरिष्ठताया आधारय् न्हूम्ह डीन नियुत्त यायेगु प्रतिबद्धता क्यनेधुंकाः डा.केसीं वंगु माघ १० गते झिंप्यन्हुया आमरण अनसन त्वःतादीगु खः ।