प्रचण्ड व नर्वेया पुलांम्ह प्रधानमन्त्री नापलात

एमाओवादीया नायः पुष्पकमल दाहाल 'प्रचण्डं' आः जुइगु सरकारय् थःपिं मच्वनेगु स्पष्ट यानादीगु दु । नर्वेया पुलांम्ह प्रधानमन्त्री केल्म्याग बोनिभिकलिसे बिहिवाः थःच्वनेगु थाय् लाजिम्पातय् नापलासें थ्व खँ धयादीगु खः ।

बोनिभिकं नेपाःया विकासया लागि नर्बे सरकार न्ह्याबलें सकारात्मक दुगु खँ कनादीगु खः । बोनिभिकं न्हू दयेकीगु सरकारय् वनेगु व संविधान दयेकेगु विषयस न्यनादीगु न्ह्यसःया लिसः ब्युसें नायः प्रचण्डं आःया इलय् संविधान दयेकेगु हे मू ज्या जूगुलिं बरु थःपिं सरकारं पिने च्वनां हे संविधान दयेकेगु ज्याय् ग्वहालि यायेगु धयादीगु दु ।

बिहिवाः हे अमेरिकी राजदूतं नं प्रचण्डयात नापलाःगु खः । उगु नापलायेगु ज्याय् नं सरकार व संविधान दयेकेगु बारे खँ जूगु धाःगु दु ।