मदुम्ह उपाध्याययात हनेकथं आइतवाः न्यायालयय् बिदा बीगु

पुलांम्ह प्रधानन्यायाधीस विश्वनाथ उपाध्याय मदुगुया शोकय् थ्वहे माघ १९ गते आइतवाः दक्वं न्यायालयय् बीदा बीगु निर्णय याःगु दु ।

कामु प्रधानन्यायाधीस दामोदरप्रसाद शर्माया नायःसुइ शुक्रवाः च्वंगु सर्वोच्च अदालतया पूर्ण बैठकं थ्व निर्णययासें देसय् च्वंगु दक्वं अदालत, विशेष अदालत व न्यायाधीकरणय् बिदा बीगु धाःगु दु ।

उपाध्याय मदुगुलिं राष्ट्रं सच्चा राष्ट्रप्रेमी व प्रजातन्त्रप्रेमी ब्यक्ति तंकागु सर्वोच्चं न्ह्यथंगु दु ।

बि.सं. २०४८ निसें २०५२ सालतक प्रधानन्यायाधीस जुयादीम्ह उपाध्याय बिहिवाः चान्हय् मदुगु खःसा शुक्रवाः हे हिन्दु परम्पराकथं पशपतिइ च्वंगु आर्यघाटय् अन्तिम संस्कार याःगु दु ।