एमालें नं चुनाव यानां हे नेता ल्यइगु

दुने दुने सहलहयाना क्वःछी मफुसेलिं नेकपा एमालें नं थः संसदीय दलया नेता चुनाव यानां हे ल्यइगु जूगु दु । बिहिवाः च्वंगु स्थायी कमिटीया मुँज्यां पार्टी दुने सहलह यानांनं नेता ल्यये मफुगुलिं थ्वहे माघ २१ गते चुनाव हे यायेगु क्वःछ्यूगु खः । अथेसां फयांफत्तले २१ गते न्ह्यः तकनं दुनेदुने हे सहलह ब्याकेगु पार्टी छ्याञ्जे विष्ण पौडेलं जानकारी ब्यूगु दु ।

मुँज्यां न्हूपिं सभासद्तय्त थ्वहे माघ १९ गते प्रशिक्षण बीगु ज्याझ्वः क्वःछ्यूगु दुसा सहमतिया सरकार दयेकेया लागि नेपाली काँग्रेसलिसे सहलह ब्याकेत पार्टी न्वकू वामदेम गौतम व छ्याञ्जे विष्णु पौडेलयात जिम्मा ब्यूगु दु । स्थायी कमिटीया मेगु मुँज्या माघ २० गते च्वनीगु जूगु दु ।