खरेल येँय् प्रहरी प्रमुखय् सरुवा

लोकंह्वाःम्ह एसएसपी रमेश खरेल महानगरीय प्रहरी परिसर येँय् सरुवा जुयावःगु दु । अञ्चल प्रहरी कार्यालय बागमती च्वनाच्वंम्ह प्रहरी प्रधान कार्यालयया सिफारिसय् मंगलवाः हे येँय् याःगु खः ।

येँय् च्वंम्ह एसएसपि सुबोध घिमिरे चाहि खरेलया थासय् हे छ्वया हिलाबुया याःगु खः । एसएसपि खरेल न्हापा नं येँय्या प्रमुखया जिम्मेवारी कायेधुंकूम्ह खः । उबले खरेल एसपि जक जुयाच्वंगु खः । न्हापा येँय् जिम्मेवारी कःघानाच्वंबलय् ज्या याःगु बांलाःगुलिं वय्कः म्हो इलय् हे बय्बय् जूम्ह खः ।

यलय् धाःसा पुष्प रञ्जितयात छ्वःगु दु । अन ज्या याःगु चित्तबुझे मजू धासें यलया प्रमुख रमेश भट्टराईयात हेडक्वाटर सःतूगु प्रहरी प्रवक्ता गणेश के.सी. जानकारी ब्यूगु खः ।