सरकारं हाकु बन्जा याइपिंत ज्वनीगु

प्रधानमन्त्री व मन्त्रिपरिषद् ज्याकूया सचिव कृष्णहरि बाँस्कोटां हाकु बन्जा याना जूपिं व्यवसायीतय्त ज्वना कारबाही यायेगु धाःगु दु ।

छुं न्हि निसें सरकारं बजार अनुगमन मयाःगुलिं उपभोक्त त ठगेजुयाच्वंगु दु धयागु खँ पिहाँ वःगुलिं थुकियात कडारुपं अनुगमन यायेगु खँ सचिव बाँस्कोटां धयादीगु खः ।

पसः पसलय् मूल्यसूची तयामतःपिं, खाद्य बस्तुइ मिसावत याइपिं व हाकु बन्जा याइपिं, गैरकानुनी ज्या यानाजूपिंत सरकारं कानुनअनुसार कडा कारवाही यायेगु धाःगु खः ।

कृत्रिम बेसाभाः थकाःपिं, बासी खाना नकीपिं, अस्वस्थकर ला व खाद्यान्य मीपि, अखाद्य रंग ल्वाकछ्याइपिं लिसें ताल्जुइ धः मपाकः लनांबीपिं थें जाःगु उपभोक्त हीत अःखः ज्या याइपिंत कारवाही यायेत सरकार लिमचिलीगु धाःगु दु ।