बलिकोट प्राविया २१ क्वःगु अभिभावक दिवस
श्री बलिकोट धारापानी प्रावि चिन्नेबास ८ स्याङ्जाया नीछक्वःगु वार्षिक उत्सव व अभिभावक मुँज्या स्थानीय श्रोतब्यक्ति टंकनाथ पुरीया मूपाहाँसुइ जुल । ज्याझ्वलय् वय्कलं स्कुलया थीथी कासाय् उत्कृष्ट विद्यार्थीतय्त सिरपाः लःल्हानादिल । वय्कलं बजारय् मिइफइगु जनशक्ति तयार यायेत शिक्षकतय्त निर्देशन बियादिल ।
क्याक्मी गाविसया पुलांम्ह अध्यक्ष व पीताम्बर उमाविया ब्यवस्थापन समितिया अध्यक्ष देवकुमार मानन्धरं उगु स्कुलयात बोर्डिङया स्वरुप बिया चले यायेगु सुझाब बियादिल । नेपाली कांग्रेस चिन्नेवासया सभापति ओमबहादुर भट्टं सरकारया अस्पष्ट नीतिया कारणं शिक्षा लागा अन्यौलय् लानाच्वंगु द्वपं बियादिल ।
विद्यालय ब्यवस्थापन समितिया नायः गंगानारायण मानन्धरया सभापतित्वय् जूगु ज्याझवलय् प्रअ जीवनारायण मानन्धरं लसकुस यानादीगु खःसा क्याक्मी गामय् नेपालभाषा स्यनाच्वनादीम्ह प्रशिक्षक कृष्ण प्रजापति, कालिकादेवउराली निमाविया प्रअ बाबुराम लम्साल, जनकल्याण प्राविया नेत्रबहादुर भट्ट, अभिभावक प्रतिनिधि बलबहादुर नेवार, खुमबहादुर रानामगर, पुलांम्ह प्रअ रामप्रसाद लम्साल व तुकनारायण मानन्धरपिंसं भिन्तुना देछानादीगु खः ।
