आइतवाः व्यवस्थापिका संसद्या न्हापांगु मुँज्या

व्यवस्थापिका संसद्या न्हापांगु मुँज्या आइतवाः ३ ताः इलय् संविधानसभा भवन न्हू बानेश्वरय् च्वनीगु जूगु दु । मन्त्रीपरिषद्या नायःया सिफारिसय् राष्ट्रपतिं थ्व मुँज्या सःतादीगु खः ।

संसद् सचिवालयया कथं न्हापांगु मुँज्याय् राष्ट्रपतिं व्यवस्थापिका संसद् सःतादीगु सम्बन्धी पौ ब्वनान्यंकी । व्यवस्थापिका संसद् न्ह्याकेया लागि. न्हूगु ज्याझ्वः आःतकं मदयेकूगुलिं व्यवस्थापिका संसद सचिवालयया ज्याझ्वः २०६४ कथं हे न्ह्याकीगु व सरकारपाखें न्ह्यब्वइगु बाधा अड्काउ फुकाउ सम्बन्धी अध्यादेश विधेयकया रुपय् न्ह्यब्वयइ ।

व्यवस्थापिका संसद्या थुगु मुँज्या नं संसद्य् ज्याथःम्ह सभासद् न्याक्वःतक प्रधानमन्त्री जुइधुकूम्ह राप्रपाया नायः सूर्यबहादुर थापां हे न्ह्याकीगु जूगु दु ।